【消毒生活指南】防疫產品都可以好講究?馬上查看各款不傷手搓手液和消毒噴霧,讓您從戶外到家中,全日都被悉心呵護!

【消毒,真係要捽㗎!】

捽,唔係捽手嘅捽,係不斷反覆思量,咬實要改良到最好嗰種「捽」!喺MO眼中捽嘢係理所當然,唔捽啲產品又點會咁靚、咁好用?當主理抗疫嘅其中一項核心環節係「消毒,我哋又點會唔捽?!

呢幾年,市面上嘅消毒產品多到你一世都用唔晒,但好多產品嘅使用感受都係唔理想,令人用過一次半次就怕怕唔想再用,我哋name呢啲叫「不可持續」。例如,搓到隻手黐𥹉𥹉嘅搓手液、犧牲皮膚嚟消毒嘅酒精用品。MO梗係唔收貨啦其實我哋一早就講,有關個人衛生嘅習慣,如果無持續性就無意思。所以我哋決定自己推出能夠達到可持續衛生嘅消毒用品,一日未捽到你哋肯成日用,我哋就唔收手!

點捽法?我哋考慮咗好多問題:點樣消毒先啱?用咩消毒產品最好?邊種消毒成份會少啲傷害?用家對消毒用品有咩訴求?消毒用品仲可以有咩突破?真係問到我哋都覺得煩。就係咁我哋收窄幾個大方向,捽產品設計、捽成份再捽包裝design,終於喺MO陣容加入咗以下嘅四大可持續消毒用品選擇:

1)不傷手搓手液

消毒搓手液-不傷手搓手液-酒精搓手液推薦
價錢:$258(450ML)
 

出面賣緊嘅絕大部份都係酒精消毒搓手液,酒精嘅好處係能夠快速殺死細菌同冠狀病毒,不過佢亦會破壞皮膚嘅保護層,抽乾水份。搓幾次隻手就會嚡過砂紙,甚至爆拆出血。MO團隊於是喺消毒搓手液加入潤手最強嘅甘油,同護膚級嘅透明質酸,製作成MO._HYDRA+水潤搓手液。用過呢款不傷手搓手液嘅朋友feedback返︰「搓完雙手唔單只無乾噌噌,Keep住用一段時間,皮膚仲好咗!消毒護膚一齊做,你哋就再藉口唔勤力搓手啦

 

2)非酒精搓手液

無酒精搓手液-非酒精搓手液-搓手噴霧
價錢:$336(300ML x 3)

 

嗱嗱嗱,MO捽嘢就係咁,出完有護膚功效嘅酒精搓手液我哋追住再問,唔用酒精得唔得?有冇其他成份犀利到可以殺菌但唔傷皮膚?甚至有埋酒精搓手液都做唔到嘅其他優點?結果我哋搵到個答案,係納米!為咗叩高科技嘅門,MO同香港納米及先進材料研發院(NAMI)合作研發,推出Nano-EO納米無酒精殺菌噴霧。產品有效殺滅99.9%新冠病毒同細菌,而且仲會形成24小時抗菌保護層,即係話佢比酒精有更持久嘅抗菌能力。Nano-EO無酒精之餘,仲有修護皮膚嘅成份,可以直接噴手當無酒精搓手液咁用,一樣係消毒同時護手。

 

3)不黏手搓手液

不黏手搓手液-免洗搓手液-消毒酒精搓手液
價錢:$49(25ML)

 

不黏手搓手液係大家嘅基本要求,偏偏好多搓手液用完會有殘餘成份留喺皮膚,搞到成隻手黐𥹉𥹉。MO一早就解決咗呢個問題,MO._HYDRA+水潤搓手液嘅護膚成份可以快速被皮膚吸收,而Nano-EO留喺皮膚上嘅只係納米程度嘅保護層,身體根本feel唔到,啱晒一直想搵免洗搓手液嘅用家。

 

4)便攜搓手液

便攜搓手液-無酒精消毒搓手液-搓手液好用
購買連結:全效能殺菌噴霧
價錢:$38(20ML)

 

方便真係好緊要,搓手液一定要方便攜帶,咁先可以隨時搓手。不過我哋嘅設計師覺得淨係整細個樽都未夠方便,於是佢哋就design咗呢款便攜搓手液Nano-EO全效能消毒噴霧。佢係薄薄嘅卡片型,就算攝入褲袋或者pocket tee嘅袋,都唔會凸出現形。而佢嘅靚仔設計,會令你好樂意隨時攞出嚟搓手show off吓,呢啲先係真正嘅方便。

所以話呢,消毒真係要捽,其實好多嘢都要捽,我哋會繼續捽靚MO個品牌,出多啲精緻好用啲產品,幫你哋捽靚每日嘅生活!

‘‘𝐌𝐮𝐬𝐞 𝘢 𝐒𝐩𝐞𝐜𝐢𝐚𝐥 𝐊𝐢𝐧𝐝 𝘰𝘧 𝐍𝐨𝐫𝐦𝐚𝐥’’

Leave a comment

All comments are moderated before being published